ABRIL Fado Atlántico é un proxecto musical de fado nado en Ferrolterra no ano 2007. O seu carácter é aberto, xa que ademáis do fado tradicional portugués, nel teñen cabida o tango, o choriño brasileiro ou outras músicas atlánticas, interpretadas sempre coa instrumentación típica do fado. Daniel Adzemian (guitarra portuguesa), guitarrista arxentino, é a alma mater do proxecto, no que resaltan tanto os seus arranxos como a súas composicións.                                                                      

Varios foron os artistas que colaboraron co grupo, resaltando o labor de José Calabuig (guitarra clásica) ou da cantante Noelia Santos, voz principal do primeiro traballo discográfico de ABRIL fado atlántico chamado Pazo da Merced.                                                                                                              

Tamén compartiron escenario con ABRIL Emanuel Soares, fadista portugués que actúa asiduamente nas casa de fado de Lisboa, ou a fadista de Viseu Mara Pedro, coa que o grupo graba o cd “Fado alma do mundo”  con arranxos e composicións de Daniel Adzemian e textos de poetas portugueses como Isidoro Cavaco ou Mario Rainho, como tamén da poeta ferrolá Aurora Varela.                                                                                                                                                                                  Actualmente, o grupo rematou a produción do seu segundo traballo discográfico feito integramente en galego, destacando a participación da cantante Sara de Sousa, que actuou en diversos escenarios do Porto e doutras localidades do norte de Portugal.                                                                                                                                    Iria Quintía, guitarrista de formación superior clásica (viola de fado), completa a formación de ABRIL  Fado Atlántico.